OP1 week ago
Waterlogging near Nagole underpass
Har saal same story. Jaise hi thodi tez baarish hoti hai, Nagole underpass mein paani bhar jaata hai aur poora traffic ruk jaata hai. Yeh koi ek din ki baat nahi, pichle 3-4 saal se dekh raha hoon, aur har monsoon mein yehi situation repeat hoti hai.
Pichle hafte hi maine khud dekha, shaam ko 6 baje halki baarish shuru hui, aur 6:30 tak underpass mein itna paani tha ki do-wheeler wale bhi push karke nikal rahe the. Auto aur cars to bilkul phas gaye the, aur kuch log to apni bikes chhodkar paidal nikal gaye kyunki engine mein paani ghusne ka dar tha.
Sabse frustrating baat yeh hai ki iske paas hi ek storm water drain hai, lekin uski safai time pe nahi hoti. Monsoon shuru hone se pehle, June ke aaspaas, drains ki cleaning honi chahiye thi, lekin jab main wahan se guzra tha May ke end mein, drain mein kaafi plastic aur silt jama tha, jaise saaf hi nahi kiya gaya ho.
Iske alawa, underpass ka drainage system bhi purana lagta hai, jitni fast rate se paani aata hai, utni fast usse nikalne ka koi proper mechanism nahi hai. Pump lagaye gaye hain kuch jagah, lekin woh bhi sirf tab chalu hote hain jab paani kaafi upar aa chuka hota hai, tab tak nuksaan ho chuka hota hai.
Iska direct asar office jaane walon pe padta hai. Jo log LB Nagar ya Uppal se Dilsukhnagar office commute karte hain, unka roz ka 20-25 minute ka route baarish ke din 1-1.5 ghante ka ho jaata hai kyunki sab log alternate route dhundhte hain aur woh bhi jam ho jaate hain.
Maine GHMC ki app pe complaint bhi register ki thi pichle saal, lekin koi permanent solution nahi dikha, bas ek do baar tanker aake paani nikalte hain, jo temporary fix hai, root cause fix nahi karte.
Aur agar kisi ko pata hai ki GHMC se is tarah ke drainage upgrade ke liye kaise properly follow up karte hain (jaise koi specific ward office ya helpline number jo actually respond karta ho), please share karein. Sirf complaint app pe daalna kaafi nahi lag raha, kyunki wahi cycle har saal repeat ho raha hai.Login to join the discussion.